Sími 441 6200

Forsidumynd 1

Forsíðumynd 2

Forsíðumynd 3

Forsíðumynd 4

Forsidumynd 5


leikskoli

Forsíðumynd 6


Fréttir og tilkynningar

Sumarlokun - 7.2.2019








Úrslit úr kosningu um sumarlokun leikskólans eru ljós. Yfirgnæfandi meirihluti valdi seinna tímabilið og lokar því leikskólinn miðvikudaginn 10. júlí klukkan 13:00 og opnar aftur fimmtudaginn 8. ágúst klukkan 13:00

Leikrit í tösku - Grýla og jólasveinarnir - 6.12.2018






Í síðustu viku kom leikkonan Þóra Arnljótsdóttir með leikritatöskuna sína og sýndi okkur jólaleikrit. Leikritið var um Grýlu og jólasveinana og höfðu allir mjög gaman af því. Það var foreldrafélagið sem bauð okkur upp á sýninguna.

Jól í skókassa - 22.11.2018



Kennarar í Krummahóp ákváðu í samstarfi við foreldra að taka þátt í verkefninu „ Jól í skókassa“. Í byrjun október var byrjað að fjalla um verkefnið við börnin í hópnum á þann hátt sem þau skilja. Auðvelt var fyrir þau að tengja að jólakassann fengju börn sem væru mjög lasin á spítala. Þessi börn ættu heima í landi sem heitir Úkraína og væri langt í burtu.  Einnig að þau fengju bara einn pakka , pakkann sem þau væru að útbúa heima með mömmu og pabba. 


Í byrjun nóvember fóru svo kassarnir að tínast í leikskólann og voru þau mjög spennt að sína hinum hvað væri í honum. Gaman var að sjá hvað þau voru tilbúin að gefa dót sem þau áttu heima og það var engin sem vildi eiga það sem var í kassanum, „börnin á spítalanum áttu sko að fá allt sem var í honum". Síðan rann upp dagurinn sem við fórum með kassana niður á Langholtsveg í KFUMK. Teknir voru tveir strætóar niður á Suðurlandsbraut og labbað yfir Laugardalinn. Einn kennarinn keyrði svo kassana til okkar þar sem börnin tóku á móti þeim með bros á vör. Fengum við mjög góðar móttökur og börnin fengu að skoða alla kassana sem voru komnir og það var SKO mikið. Starfsmaðurinn sýndi okkur myndir og sagði okkur frá verkefninu. Allir fengu svo piparkökur. 

Bréf vegna dags gegn einelti - 31.10.2018

Þann 8. nóvember verður haldin árlegur dagur gegn einelti. Þennan dag er gengið gegn einelti í Kópavogi. Þá koma börn úr Álfhólsskóla og fylgja börnum af Rauðubrekku á samkomu í íþróttahúsinu í Digranesi. Menntamálastofnun hefur sent frá sér hvatningabréf af þessu tilefni og hvetjum við alla til þess að lesa það. 

Læsisstefna komin á heimasíðuna - 14.6.2018

Nú er læsisstefnan okkar komin á heimasíðuna. Á sama stað má einnig finna skýrslu um þróunarverkefni um læsi sem unnið var hér í leikskólanum. 

Fréttasafn


Atburðir framundan

Dömudagur 22.2.2019 11:00 - 13:00

Á sunnudaginn er konudagurinn. Í tilefni þess er mömmum og ömmum (eða frænkum ef mamma eða ömmur komast ekki) boðið í smáréttahlaðborð í hádeginu. Borðhald hefst klukkan 11 á Gulubrekku og 12 á Rauðubrekku. 

 

Bolludagur 4.3.2019

Í dag er Bolludagur. Þá fáum við fiskibollur í hádegismat og bollur með síðdegishressingunni. 

 

Sprengidagur 5.3.2019

Í dag er Sprengidagur. Þá fáum við saltkjöt og baunir í hádegismat. 

 

Öskudagur 6.3.2019

Í dag er öskudagur. Þá má mæta í búningum og furðufötum og við höldum öskudagsball í hreyfisal klukkan 9:00 sem endar á því að við sláum snakkið úr tunnunni. 

 

Öfugsnúinn dagur 21.3.2019

Í dag ætlum við að hafa öfugsnúinn dag. Þá ruglum við öllu. Sumir mæta með sokka á höndunum eða í fötunum á röngunni og við gerum hlutina á öfugsnúinn hátt hér í leikskólanum. 

 

Fleiri atburðir



Þetta vefsvæði byggir á Eplica